Gure elkarteetako emakume eta gizonezkoei zuzendutako 'Ipuinak berrikusten' tailerra eskaintzen jarraitzen dugu, ipuin herrikoiak genero-ikuspegitik aztertuz. Aurten lau saio egin ditugu, elkarte bakoitzean bana: Asafes (Gasteiz), Asasam (Laudio), Agifes (Donostia) eta Avifes (Bilbo).
Arabako Espetxeko emakumeei ere eskaini diegu tailerra, Ateak Zabaldu proiektuaren bitartez. Osasun mentaleko arazoak dituzten eta espetxeratuta dauden pertsonei laguntzeko helburua du programak.
Prestakuntza hori berdintasuneko teknikari Estibaliz Etxebarriak eman du.